Umabot sa $60 million ang natamong kita ng Pilipinas sa paglahok nito kamakailan sa 2026 China-ASEAN Expo (CAEXPO) sa Nanning, Guangxi, China.

Ito ang pinakamataas na sales na naitala ng Pilipinas mula nang lumahok ang bansa sa naturang event noong 2004.

Base sa datos ng Center for International Trade Expositions and Missions (CITEM) ng Department of Trade and Industry (DTI), nahigitan ng sales ngayong taon ang dating record-high sales na $49 million noong 2024.

Bilang “Country of Honor,” ipinadala ng Pilipinas ang pinakamalaking delegasyon nito sa kasaysayan ng CAEXPO, kung saan itinampok ng bansa ang iba’t ibang produktong Pilipino kabilang ang coconut products, durian, tradisyonal na kasuotan at iba pa.

Sa panayam ng CGTN-Filipino, binigyang-diin ni DTI Secretary Cristina Roque ang kahalagahan ng pagsali ng Pilipinas sa CAEXPO sa tumataas na export sales ng bansa, lalo na mula sa pakikilahok sa mga local at international trade events.

“So yung increase ng sales natin have reached, our exports have reached an all-time high of 15.4% in 2025. And from January until July of 2026, again, pataas lahat or every month, we are up. So again, this shows that the more trade shows we join, the more sales we can get, especially from those who want to penetrate the global market,” ayon kay Sec. Roque.

Kalahok sa CAEXPO ang nasa mahigit 70 high-value export enterprises sa Pilipinas mula sa agrifood, lifestyle, home and fashion, personal care, at allied services.

 

Email: contact@asiancenturyph.com

Facebook: https://www.facebook.com/asiancenturyph/

Twitter: https://twitter.com/AsianCenturyPH

Substack:

Also read: